Monday, May 11, 2009

Yan si Nanay

Nanay, Ina, Mama,
Mommy, Inay, o kung anu pa
Anumang itawag ko sa kanya
Iisa ang mahalaga, mahal na mahal ko siya.

Hindi ako lumaki sa piling niya
Namulat sa buhay nang wala siya
Ilang pasko'ng mag-isa
Ngunit sa puso ko, siya lang ang nag-iisa.

Ang bawat tawag mo
Bawat sentimong pinapadala mo
Nais kong malaman mo
Lahat ng yun, sinuma'y walang makakatalo.

Hindi ko magawang magalit sayo,
Ultimo tampo'y wala sa isip ko,
Dahil lahat inako mo,
Lahat ng hirap, sayo'ng sayo.

Sa bawat pagod at hinagpis,
Sa lahat ng iyak at pawis,
Hayaan mo'ng ibalik ko,
Sa paraang alam at kaya ko.

Kaya sa araw na'to,
Gusto kong malaman mo,
Ma, sobra-sobra ang pasasalamat ko,
Sa lahat ng bagay na ginawa mo.

Ma, Happy Nanay day at sa lahat ng nanay sa mundo!

0 comments: